|
Tycho Brahe Da tròppo anni ammïo o destin di òmmi inte l'universo di planeti da sta ærta töre de giassa, in sce l'ìsoa de veddro stæta regallâ da-o vegio Re do Nòrde. Drento de mi sento mormoggiâ e prìe sotta a rossa messoïa e da-a pòrta averta intra de longo unn'äia freida à asmortâ a sciamma into fondo do cheu scùo. M'accoëgo de vòtte in riva a-o mâ pe cheugge o crìo de antighe creuse inte l'ombra abbrensoïa da-o sagrin. Nisciun no avià sti mondi: van e végnan e bandëe da neutte; o dô e a mòrte zà m'aspëtan sotta e stelle, derrê a-a borrasca e a-o rianello zeòu. |
Tycho Brahe Da troppi anni guardo il destino degli uomini nell'universo dei pianeti da questa alta torre di ghiaccio, sull'isola di vetro regalata dal vecchio Re del Nord. Dentro di me sento mormorare le pietre sotto la rossa falce e dalla porta aperta un'aria fredda sempre entra a spegnere la fiamma nel fondo del cuore scuro. Mi corico a volte in riva al mare per raccogliere il grido delle antiche stradine nell'ombra intirizzita dal tormento. Nessuno avrà questi mondi: vanno e vengono le bandiere della notte; il dolore e la morte già mi aspettano sotto le stelle, dietro alla burrasca e il ruscello gelato. |
|
Enea Sensa respïo, ò camminòu co-o passòu in scê spalle e o doman inte moæn serræ. Derrê à mi bruxa l'ærta sciamma di giorni mòrti e e mæ làgrime pe quelli ch'à lasciòu o sentê da çittæ da çenie. Son chì che çerco òua a mattinâ ciù schillente, comme l'ägno recammo a teia d'arzento pe sto longo viægio de tæra e de luxe. |
Enea Senza respiro, ho camminato con il passato sulle spalle e il domani nelle mani chiuse. Dietro a me bruciano l'alta fiamma dei giorni morti e le mie lacrime per coloro che hanno lasciato il sentiero della città di cenere. Vado cercando ora la mattinata più limpida, come il ragno ricamo la tela d'argento per questo lungo viaggio di terra e di luce. |
